Бекболат Тілеуханның бұрынғы келіні мектептерде намазхана ашуды ұсынды

Қоғам белсендісі, Бекболат Тілеуханның бұрынғы келіні Тоғжан Қожалы қоғамдық орындарда құлшылық ететін орындар жоқ екенін, ал Қазақстанда дінге сенушілер көп екенін айтты, - деп хабарлайды Alashainasy.kz тілшісі Massaget.kz-ке сілтеме жасап.

Оның сөзінше, бұрын намазханалар болған, ал кейінгі екі жылда қоғамдық орындардан алып тасталған.

"Дінмен күресу арқылы сіз кері радикализмді тудырасыз. Германия мен Еуропада әлдеқайда оңай әрі ыңғайлы, өйткені барлық жерде үш діннің кез келгеніне, діни рәсімдерге арналған орындар бар. Біз дінге орын жоқ коммунистік ел сияқтымыз. Жауларыңызбен немесе проблемаларыңызбен күресіп жатқан жоқсыздар. Оның орнына өзіңіз бен балаларыңызды тонап жатқан жемқор қонаққа төрден орын мен ең жақсы сыйлықтар беруді тоқтатқан дұрыс. Неліктен біздегі либералдар халықтың діндарлығымен қатты күреседі? Мен үнемі құлшылық ететін жер іздеймін. Бұрын сауда орталығында, кафеде мұндай орындар бар еді. Алып тасталғанына екі жыл болды. Олар кімге кедергі жасады? Олар болмаса, мұсылмандар аз болады дегенді білдірмейді. Олар бәрібір болады. Осылайша, кез келген жерде намаз оқуымызға тура келеді. Бәріміз осы елдің азаматтарымыз. Біз жайлы жағдайды, соның ішінде ыңғайлы жағдайда діни рәсімдерді орындағымыз келеді. Бұл яһудилерге, христиандарға, мұсылмандарға да қатысты", - дейді ол.

Сондай-ақ, ол мектептерде де мұндай жағдай жоқ екенін жеткізген.

"Кеше қызым мектепте намаз оқитын жер сұрады. Мектепте мұндай балалар аз емес. Қызыма кез келген жерде намаз оқуға тура келмеуі үшін мектеп директорымен сөйлесу қажет. Жұмыс және мектеп уақытында бір ғана намаз бар, ол түскі ас уақытында, оны келесі уақытқа дейін оқуға болады. Қазір, мысалы, Алматыда бұл сағат 12.58-ден 17.46-ға дейін. Мұғалімдер, мектеп қызметкерлері, әсіресе, қазақ мектептерінде, ауылдарда дінге сенетіндер көп. Әлде оларда дін бостандығы жоқ па? Оларға намаз оқу үшін жағдай жасалмауы керек пе" - деп сұрады ол.

Тоғжан Қожалының пікірінше, Түркияның даму моделінен үлгі алу керек, ал Сирия, Ауғанстанды айтып қорқытудың қажеті жоқ.

"Сыныптардағы орын тапшылығы" туралы. Намаз үшін 2 шаршы метр жеткілікті. Мәселе неде екенін түсінбеймін. Немесе миллиондаған діндар ҚР азаматтары емес пе? Олардың бостандығы мен жағдайына назар аударудың қажеті жоқ па? Зайырлы қоғам мен діндарлық үйлесім тапқан Түркияның даму моделі бізге өте қолайлы. Бірақ түріктердің деңгейіне әлі жетпеген сияқтымыз. Бізді, Иран, Сирия, Ауғанстанмен қорқытпаңыздар, өтініш", - дейді ол.

Соңғы сағатта көп оқылған жаңалықтар осында Massaget.kz