Ұлттық кітапхана қоры толықты

Алматыда орын тепкен Ұлттық кітапхананың қоры ресейлік 3 мыңға жуық жаңа басылыммен толығып отыр. Бұл жөнінде Ресейдің «ТМД елдерінің кітапханаларына көмек» бағдарламасын таныстыруға арналған баспасөз мәслихатында мәлім етілді.
Қазақстан мен Ресей арасындағы дос­тықты нығайту, екі елдің мәдени байла­ныс­тарын дамыту мақсатында 2006 жылы көрші мемлекеттің Шетелдердегі мәдени орталықтарды дамытуға көмек беру қоры мен Ұлттық кітапхана арасында келісімшарт жасалған еді. Бұл жобаның бас демеушісі – Ресейдің Мәдениет пен кинематография жөніндегі федералдық агенттігі және Ресейдің тұңғыш президенті Борис Ельцин қоры. Көрші ел өзінің мемлекеттік құры­лымы, халқы, экономикасы, ғылымы, та­ри­хы, мәдениеті және тағы басқалары ту­ра­лы ақпараттық таралымын кеңейтуді көздеуде. 
Қаншайым МҰСАҚЫЗЫ, Ұлттық кітапхананың кітап қорын толықтыру бөлімінің меңгерушісі:
– Біздің Ұлттық кітапханада 6 мил­лион­нан астам басылым бар. Жыл са­йынғы әлемдік жаңа кітаптар мен құ­жат­тарға тұрақты қол жеткізуге қар­жы­лық мүмкіндігіміз жоқ. Сондықтан әр­түр­лі жобалар негізінде кітаптар ала­мыз. Мысалы, осындай жолмен Ре­сей­ден 3 мыңға тарта түрлі тақырыптағы кі­таптар жеткізілді. Оның ішінде құнды ең­бектер де жоқ емес. Шекара асып кел­ген «Нанотехнология» энци­кло­пе­дия­сы, сөздіктер, ғалымдар мен та­рих­шы­лар жөніндегі кітаптардың сапасы мен мазмұны жоғары дәрежеде.