Қазақ эстрадасының ең танымал әншілерінің бірі Қайрат Нұртастың бір айда қанша табыс табатыны белгілі болды деп хабарлайды Stan.kz.
«Қайраттың бір күнде 3-4 қалаға ұшқан кездері болды. Сол кездері Қайратты өте қатты аяп кеттік. Мәселен, бір кісілер Қайрат үшін тойды сағат 5-те бастады. Қайрат сағат 6-да сахнаға шығып, 7-де жолға шығып, 8.20-да Алматыға ұшты. Күндіз той, кешке той. Сөйтіп Қайраттың бір күнде 5 қалаға барған күндері болған», – деді Гүлзира Үсенқызы 31 арнаның «Айта берсін» бағдарламасына берген сұхбатында.
Ал Қайраттың әкімші-көмекшісі Айдын Құдабаевтың айтуынша, әншінің аптаның жеті күнінде тойда жүретінін жасырмады. Қайратты Ақтау, Атырау, Алматы, Астана, Шымкент, Тараз қалалары жиі шақырады екен.
Қайрат Нұртас – Қазақстандағы қаламақысы ең жоғары әнші. Ол бір тойдан 7 мың доллардан 10 мың долларға дейін табыс табады.