Қаңтардың үшінен бері әлеуметтік желілерде күйіп тұрған тақырып – шоу-айтыс. Лақпа айтыс деген атауға ие болған бұл шоуды көргендердің көбі жақсы жақсы пікірде емес екенін әлеуметтік желілердегі сындардан-ақ байқауға болады. Бұл шоу – қазақтың киелі өнері айтысты қорлау деп санайтындардың пікіріне қатысты «Алаш айнасы» ақын Айнұр Тұрсынбаеваның берген жауабын жариялап отыр.
Айнұр Тұрсынбаева, айтыскер ақын:
– Әлеуметтік желілерде шоу-айтысқа қатысты айтылған пікірлерді қарап шықтым. Осы айтыстың арқасында үйде жатып-ақ қырғын сауап жинап тастаппыз ғой. Әлхамдулиллах. Біреуді ғайбаттау үшін алдымен өзіңе, бала-шағаңа қарасаңшы, көкем-ау. Ақыретте ақындар үшін емес, солар үшін сұраласың ғой. 200 долларға таң атқанша құдалық күтіп, бастықтардың тойында жағы талғанша сайрап жүрген бір көкем ақындар ақшадан өлген деп көпіріп отыр. Аузы арақтан құрғамай, әр жердегі концерттерде ұятқа қалып жүрген бір көкеміз ақындар азғындап кетті деп жазыпты бер жерге.... (twitter.com-дағы парақшасынан алынды.
Дайындаған Айнұр СЕНБАЕВА