Атырауда Амандосовтың құрметіне конференция өтті

Кеше Атырау мемлекеттік университеті ұлт журналистикасының ұлықпаны – Тау­ман Амандосовтың құрметіне арналған ғы­лыми-тәжірибелік конференция өткіз­ді. Оған еліміздің түкпір-түкпірінен келген ұла­ғатты ұстаздың шәкірттері, туыста­ры мен өңірдегі белді БАҚ өкілдері қатысты. Сонымен қатар, жас қаламгерлер мен жур­­­на­листиканың табалдырығын енді ат­та­­ған студент-жастар да бар. Бар­лы­ғы­ның ниеті қазақ теориялық жур­на­лис­тикасының тар­ла­ны – Тауман Аман­до­сов­тың еңбегі мен есімін ұлықтау.
1976 жылдан өмірінің соңғы сәтіне дейін Қазақ ұлттық университетінің за­ман­дастары Амандосов кафедрасы атап кет­кен Журналистік шеберлік және әдеби ре­дакциялау кафедрасының меңгерушісі мін­детінде де үлгілі өнеге көрсетті. Тауман Са­лықбайұлы бар саналы ғұмырын атал­мыш факультеттің қалыптасып, дамуы жо­лына арнады. Сондықтан бүгінде БАҚ-тың белді басшыларына, семсерсөз иелеріне айналған журналистердің бірнеше буыны осы ұлағатты ұстаз дәрісін тыңдап, оның аялы алақанының табын сезіну бақытына ие болғандар деуге әбден негіз бар.