Шетелде оқитын студенттерге қазақстандық университеттерге ауысу ұсынылды
Қазақстанның білім және ғылым министрлігі шетелде оқитын студенттерге қазақстандық жоғары оқу орындарына ауысу бойынша көмек көрсетуге дайын, деп хабарлайды Stan.kz ақпарат агенттігі.
Республикадан тыс жерлерде оқитын және коронавирус пандемиясына байланысты басқа елде оқуын жалғастыра алмайтын қазақстандық студенттер жеңілдетілген ауысу рәсімін пайдалана алады.
"Шетелдік ЖОО-ның көпшілігі студенттерін қашықтан оқытады. Алайда, кейбір оқу орындарында ондай мүмкіндік қарастырылмаған. Өздеріне байланысты емес себептермен оқуын жалғастыру үшін елден шыға алмайтын студенттерге министрлік отандық жоғары оқу орындарына ауысуға көмектесуге дайын", - деді білім және ғылым министрлігінің баспасөз қызметі..
Бұл ретте, құжаттарды рәсімдеу форматы жеңілдетіледі. Ол үшін университеттің виртуалды қабылдау комиссиясына жүгіну жеткілікті. Оқу орнына ауысу туралы өтініш онлайн-режимде қарастырылады
Студенттер жұмыс күндері 9:30-дан 18:30-ға дейін 8 7172 74-16-24 жедел желі нөмірі бойынша кеңес ала алады.
Айта кетейік, коронавирус пандемиясына байланысты шетелде оқитын қазақстандық студенттердің көпшілігі үйлеріне қайтуға мәжбүр болды. Көбісі онлайн режимінде оқуын жалғастырды.
Қазақстанда бірінші қыркүйектен бастап мектептерде, колледждерде және жоғары оқу орындарында оқу жылы қашықтан өтеді.
