Жаңа жол белгісі орнатылғанына бір ай болса да, жүргізушілер ережені әлі елемей жүр, - деп хабарлайды Alashainasy.kz тілшісі kolesa.kz-ке сілтеме жасап.
Биыл көктемде Алматыдағы Жароков пен Ғабдуллин қиылысында қозғалыс тәртібі өзгерді. Солтүстік және оңтүстік бағытта кері бұрылуға тыйым салатын жол белгісі қойылды. Сәуір айы болды, жүргізушілер жаңа ережені әлі елемей жүр. Мұнда жол белгісі дұрыс орнатылмады немесе ағаштан көрінбей қалды деуге келмейді, белгілер анық көрініп тұр.
Ғабдуллинмен қиылыста кері бұрылуға тыйым салу Жараковпен келіп Тимирязевтің бойымен (бұл қиылыста солға бұрылуға болмайды) батысқа қарай жүргісі келетін жүргізушілерге қиындық туғызды.
Екінші жағынан, осы жерден кері бұрылу бұрыннан қиын болатын, жүргізушілер шатасып, жол ережесін бұзған оқиғалар аз емес.
Жаңа жол белгісі Жароковтан Ғабдуллин көшесіне және Ғабдуллиннен Жароков көшесіне солға бұрылуға тыйым салмайды.
Жароков пен Ғабдуллин қиылысы жүргізушілер жол белгісіне мән бермейтін қаладағы жалғыз орын емес.
Мысал ретінде Жароков — Мыңбаев қиылысын айтуға да болады. Солтүстік бағытта (төмен қарай) жүрген кезде Мыңбаев көшесіне солға бұрылуға болмайды, бұл ереженің қабылданғанына бір жылдан асса да, жүргізушілер әлі өздері қалағандай жүріп жүр.