Әзіл-шыны аралас

Бір күні Қожанасыр көшеден 100 теңге тауып алыпты да, ойланбастан супермаркетке кіріп кетіпті. Өзіне қажетті заттарды арбаға толтырып алып, кассаға келіп, әлгі 100 теңгесін ұсыныпты. Кассир қыз Қожекеңе бақырая қарап, таңданып тұрса, Қожанасыр:
– Әй, шырағым, неменеге бақырайып тұрсың, тез сдачамды бер, – депті.
***
– Неге сонша жабырқап шаршап жүрсің?
– Әй, сол жұмыс қой, жұмыс, жұмыс.
– Көп болды ма жұмыс істегеніңе?
– Жоқ, ертең бастаймын.
***
Химик достарының алдында мақтанып тұр.
– Кеше баламның тілі шығып, өзінің алғашқы сөзін айтты.
– Қызық, «мама» деді ме, «папа» деді ме?
– Изопрофилофторметилфосфонат.
***
Жігіт қызға:
– Сен сондай сұлусың, әлемде саған тең келер жан жоқ, күнім.
– Бұл не, алдын ала ойластырылған комплимент пе, әлде абайсызда айтылған шындық па?
– Жо-ға, сәтімен келген қалжың ғой.