Елімізде жеке куәлік пен төлқұжатты жедел алу тәртібі өзгерді. Енді қазақстандықтар төлқұжат пен жеке куәліктерін бір-ақ күнде ала алады. Бұл туралы alau.kz сайтын сілтеме жасаған NUR.KZ хабарлайды.
Елімізде жеке куәлік пен төлқұжат алу тәртібіне өзгерістер енгізілді. Енді Қазақстан Республикасының азаматтары аталған құжаттардың жеделдетілген түрін Астана, Алматы, Ақтөбе және Шымкент қалаларында бір жұмыс күніне дейінгі мерзімде ала алады. Ал облыс орталықтарында аталған құжаттар жедел түрде үш жұмыс күніне дейін, облыс қалалары мен аудандарында жеті жұмыс күніне дейін дайын болады.
Сондай-ақ, Қазақстан Республикасы азаматтарына жеке куәлікті растайтын құжаттарды жедел түрде Астана, Алматы, Ақтөбе және Шымкент қалаларында үш жұмыс күніне дейін, облыс орталықтарында бес жұмыс күніне дейін алу мүмкіндігі берілді.
Ал жеке тұлғаның өтініші бойынша шетелдікке азаматтықсыз жеке куәлік жеделдетілген түрде жеті жұмыс күніне дейін берілетін болады.
Құжатты дайындаудың жеделдетілген түріне төленетін төлем банк пен касса операцияларын жүргізетін басқа ұйымдар арқылы жүзеге асады.