Ауылы – Рахат, балабақшасы – «Әдемі»

Алматы облысының Рахат ауылында еңсесі түскен ескі мектеп қайта жаңартылып, кішкене бүлдіршіндер үшін балабақша ретінде пайдалануға берілді. Ал оқушылар су жаңа мектепте білім алуда.
100 орынға лайықталған балабақша­ның аты да, заты да – «Әдемі». Елбасының «Балапан» бағдарламасы аясында жүзеге асқан, ел Тәуелсіздігінің 20 жылдығына де­йін пайдалануға берілу жоспарланған Еңбекшіқазақ ауданындағы жеті бала­бақ­шаның алғашқысы да осы Рахат ауы­лындағы білім мекемесі болып отыр.
Төрт топқа арналып жасалынған бала­лар мекемесі баланың танымына сай тал­ғаммен безендірілген. Мұндағы сах­на­лан­ған зал, топ бөлмелері қажетті құрал­дар­мен жабдықталған.
Еңбекшіқазақ ауданының әкімі Әли­хан Тойбаевтың айтуынша, бұрынғы бала­бақша ғимараттарына иелік етіп отырған үш кәсіпкер бүгінде ғимаратты мемлекет меншігіне қайтаруға ниет білдірген. Аудан басшылығы алдағы уақытта сол ны­сан­дарға күрделі жөндеу жұмыстарын жүр­гізіп, жоспардан тыс тағы үш балабақшаны халық игілігіне беруді жоспарлап отыр.