Асыл тастан жасалған ұршық табылды

Тауы мен тасы тарихтан сыр шертіп тұрғандай көрінетін киелі Әулиеата өңірі расында да көне де құнды жәдігерлерге бай. Оған жыл сайын жер астынан табылып жатқан жәдігерлер дәлел.
Жуырда тағы да осындай өте көне заманда жас­ал­ған құмыра мен асыл тастармен көмкерілген ұршық та­былды. Құнды экспонаттар Жамбыл облыстық та­рихи-өлкетану мұражайына тапсырылды. Мұра­жайда бұрын-соңды мұндай керемет жәдігерлер бол­ған емес. Жамбыл ауданына қарасты Айша бибі ауылының маңынан табылған шар, конус тәріздес ыдыс пен жартылай асыл тастан жасалған ұршықты шамамен Х-ХII ғасырларда жасалған деп болжам жасалып отыр. Көненің көзіндей, тарихтың өзіндей болған ыдыс пен тұр­мысқа қажетті ұршықты тарихшылар ерте орта­ғасырлыққа тән деп отыр.
Ғалия Әлімжанова, Жамбыл облыстық тарихи-өлкетану мұражайы директорының орынбасары:
– Мұражайымызда осы уақытқа дейін оюланған шарконустық ыдыстар болған емес. Құнды жәдігерлермен толыққанына қуанышты­мыз. Ерекше олжаны қызыға кеп тамашалаушы­лар көп. Көне жәдігерлерді мұқият зерттеген тарихшылар оларды философиялық мәнге ие ыдыс деп атап кетті, олай деуінің де өзіндік себебі бар. Олардың ерекше пішінінің өзі тылсым мағынаға ие.