Еліміздің метеорологтары алдағы күндері республиканың көптеген бөлігінде күн ыстық болады, кей жерлерде күн күркірейді, өткінші жаңбыр жауады, екпінді жел соғады деп хабарлады.
Сондай-ақ батыста және солтүстік-батыста бұршақ жаууы мүмкін.
Ауа температурасының негізгі фоны 27-35, оңтүстікте және батыста 40 градусқа дейін ыстық болады.
Республиканың батысында және солтүстік-батысында Таймыр аудандарынан салқын және ылғалды ауа келуіне байланысты 9 тамызда ыстықтың төмендеуі басталады, ауаның күндізгі температурасы 20-28 градусқа дейін төмендейді.