"Қазгидромет" РМК ұсынған мәлімет бойынша, ҚР басым бөлігінде жауын-шашынсыз ауа райы сақталады, - деп хабарлайды Alashainasy.kz тілшісі Zakon.kz-ке сілтеме жасап.
Тек елдің батысында, солтүстік-батысында Қара теңізі аумағынан келетін циклонның әсерінен жаңбыр жауады. Республиканың солтүстік-батысында, солтүстігінде, оңтүстік-шығысында жел күшейеді, батыста, солтүстікте, шығыста – тұман, деп мәлімдейді "Қазгидромет" РМК
Түнде Түркістан облысының солтүстігінде топырақ бетінде 3 градус аяз сақталады.
Астана қаласы: аздаған бұлтты, жауын-шашынсыз. Оңтүстік-шығыстан жел соғады, күші 2-7 м/с. Ауаның температурасы түнде +1...+3°С, күндіз +17...+19°С болады.
Алматы қаласы: көшпелі бұлтты, жауын-шашынсыз. Желдің күші 2-7 м/с болады. Ауаның температурасы түнде +7...+9°С, күндіз +20...+22°С болады.
Шымкент қаласы: көшпелі бұлтты, жауын-шашынсыз. Оңтүстік-шығыстан жел соғады, күші 8-13 м/с. Ауаның температурасы түнде +7...+9°С, күндіз +23...+25°С болады.