7 қаңтарда Мамлютка - Қостанай автожолында Nissan Murano, Audi A6 және Toyota Avensis автокөліктерінің қатысуымен жол-көлік оқиғасы орын алды, - деп хабарлайды Alashainasy.kz POLICE.KZ-ке сілтеме жасап жазды.
Соқтығысу салдарынан Toyota Avensis автокөлігінің 36 жастағы жүргізушісі мен оның 17 жастағы жолаушысы қайтыс болды.
Жол-көлік оқиғасының тағы сегіз қатысушысы (олардың арасында 2014 жылы туған бір кәмелетке толмаған бар) түрлі жарақаттармен медициналық мекемеге жеткізілді.
Жол-көлік оқиғасы фактісі ҚР ҚК-нің 345-бабының 3-бөлігі бойынша тіркелді (Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы).