Алаш жұрты Айбергеновті еске алды

Қазақтың біртуар сыршыл ақыны Төлеген Айбергенов биыл 75 жасқа толып отыр. Жасындай жарқ етіп, орда бұзар отыз жасында-ақ бақилық сапарға аттанып, артында өшпестей із қалдырып кеткен ақынды Алаш жұрты ардақтап, Алматы қаласының түбінде ат шаптырып, ас беріп, ұлан-асыр той өткізді. Ән мен күйден шашу шашылып, ұлттық спорт түрлерінен жарыстар ұйымдастырылды.
«Бір тойым болатыны сөзсіз менің» де­се де, өмірден ерте өткен ақынның арыз-ар­манын ел-жұрты ескерусіз қалдырмапты. Қоғамдық ұйымдар мен өнерсүйер аза­мат­тар бірігіп, ақиық ақынның шығар­ма­шылық мұрасын жас ұрпаққа таныстыруды мұ­рат тұтқан. Осы мақсатта республикадағы мек­теп оқушылары арасында Төлеген Ай­бер­генов оқулары өткізілді. Көркем та­би­ғат аясында ақынның өлеңдері оқылып, жас­тар ән айтып, алтыбақан тепті. Көкпар, қыз қуу, қазақша күрес, арқан тартыс сияқ­ты ұлттық спорт түрлерінен өткен жарысты тамашалаған көпшілік бір серпіліп қалды.
Бауыржан ЖАҚЫП, ақын, «Қазақ эн­ци­кло­педиясы» баспасының бас директоры, Төлеген Айбергеновтің күйеубаласы:  
– Биыл қазақтың біртуар ақыны Тө­ле­ген Ай­бергеновтің 75 жылдық ме­рей­тойы елі­міздің түкпір-түкпірінде аталып өтіп жатыр. Қа­зақстан Жазу­шы­лар одағында жас ақын­дардың мү­шәй­расы болды. Алматы ма­ңындағы көрікті жер­дегі мына тамаша той­да ақынның өлең­деріне жазылған ком­по­зи­тор­лар­дың шығармалары бойынша ән бай­қа­уы, көркемсөз оқу шеберлері ара­сында байқау өтті. Оқушылардың біреуі Тө­­кең­нің 65 өлеңін жатқа білсе, енді бі­реуі 53 өлеңін жатқа оқиды екен. Ша­раны ат­қа­­рып отырған – Төлеген Ай­бергенов поэ­зия­­сының жана­шыр­лары. «Қыз қуатын жі­гітке ат беремін», «Бәйге берем жы­ғыл­ған палуанға да» деп ақын жырлағаны тә­різді көкпар, қыз қуу, қазақша күрес болып жа­тыр. Тойдың ерекшелігі – халықтың өз­дігімен ұйымдастыруында.  Ақтөбе, Маң­ғыстау, Атырау, Оңтүстік Қазақстан, Шығыс Қа­зақстан облыстарынан, Аста­на мен Ал­маты қалаларынан арнайы қонақтар, жа­рыс­қа қатысушылар келіп отыр. Төлеген Ай­бергеновтей қазақтың рухты ақындары бар­да қазақтың мәдениеті, әдебиеті ешқа­шан өшпейді.
Дана ҚЫДЫРӘЛИЕВА, оқушы, Төлеген Айбергенов оқуларының жеңімпазы:  
– Ақынның кейбір өлеңдерін оқи бер­гің келеді. Өзіңнің жан дүниеңді, іш­кі әлеміңді сипаттайды. Төлеген Ай­бер­геновтің өлеңдері мені бірден бау­рап алды. Өлеңдерді жүрегіммен се­зі­ніп жаттаған кезде мәнерлеп оқу да же­ңіл болады. Мен Төлеген Айб­ер­ге­нов­тің 54 өлеңін жатқа білемін.