Энгельс Ғаббасов

Энгельс Ғаббасов - 1937 жылы 17 қаңтарда Батыс Қазақстан облысы Жалпақтал ауданында туған. Қазір Орал қаласында тұрады. Қазақстан Жазушылар одағының мүшесі, Қазақстанның еңбек сіңірген қайраткері, филология ғылымының кандидаты (1976), доцент (1978). Орал педагогика институтының орыс тілі мен әдебиеті факультетін (1957), Алматы жоғары партия мектебін (1966), КОКП ОК жанындағы Қоғамдық ғылымдар академиясының аспирантурасын (1976) бітірген. 1957-1968 жылдары мұғалім, комсомол жұмысында, 1966 жылдан Орал облыстық партия комитетінде жауапты қызметте болды. Негізі орыс тілінде көлемді прозаға қалам тартып жүрген ұлты қазақ жазушылардың бірі. ҚР Парламенті Сенатының депутаты да болып, Президенттіктен үміткер ретінде сайлауға  да қатысқан. Энгельс ағамыздың қызығушылық танытқан саласы – экология. Осы тақырыпта сан-алуан мақалалар жазып, жүрген жерінде 21-ші ғасырдың басты проблемасына айналған экология мәселесін жан-жақты көтерумен келеді. Энгельс ағамыздың хобии – ауа райын болжау болғандықтан жыл сайын Төтенше жағдайлар министрлігіне алдағы маусымдарға болжамындарын айтып, ескерту жіберіп те тұрады. «Қарт шопан» атты алғашқы әңгімесі «Простор» журналында (1965) жарияланған. Экологияға қатысты Энгельс ағамыздың әсіресе Жайық өзенінің болашағына қатысты жазған мақалалары қоғамда қызу пікір талас тудырған болатын.
Жазушы 2014 жылы маусым айында 77 жасында дүниеден өтті.