Шымкентте жасөспірім көпқабатты үйдің терезесінен секіріп көз жұмды, деп хабарлайды Bugin.kz порталы Otyrar телеграм арнасына сілтеме жасап.
Қайғылы оқиға 16 наурызда сағат 15:35-те Қонаев даңғылындағы тұрғын үй кешенінде болған. Жасөспірім Шымкенттегі 9-қабаттың терезесінен секіріп кеткен.
Оқиға орнына келген дәрігерлер жасөспірімнің бірден көз жұмғанын хабарлаған. Полиция қылмыстық істі тіркеді.
Инсайдерлік ақпарат бойынша, анасы баласын халық емшісіне көрсету үшін Атыраудан Шымкентке келген.
17 жастағы жасөспірімнің өлімінің себебі суицид болуы мүмкін.