Ядролық клубқа қай елдер мүше?

Ядролық клуб дегеніміз не? Ядролық клубқа қай елдер мүше болып кірген?
Тілек, Атырау
Ядролық клуб дегеніміз – саяси шартты атау.  Бұған ядролық держа­ва­лар, ядролық қаруды сынақтан өткізуді көздейтін елдер және ядролық қару өңдейтін өндірісі бар мемлекеттер мүше болып саналады. 1945 жылдың 16 шілдесінде  АҚШ ең алғаш ядролық қа­руды сынақтан өткізген болатын. Яд­ро­­лық қаруға 1949 жылы Кеңестер ода­ғы, 1952 жылы Ұлыбритания, 1960 жылы Франция, 1964 жылы Қы­тай, 1974 жылыҮндістан, 1998 жылы Пә­кістан қол жеткізген еді. Қазір бұл ел­дер – аталған клубтың толық мү­ше­ле­рі. Биыл бұл елдердің сапына Сол­түстік Корея мен Израиль қосылып отыр. Бұдан басқа НАТО-ға мүше елдер клуб мүшесі болмағанымен,  (мысалы, Гер­мания, Италия, Түркия, Белгия, Ни­дерланды, Канада елдері) АҚШ қа­руына арқа сүйейді.  Жапония мен Оң­түстік Корея елдері де – АҚШ-тың одақ­тастары. Кейбір сарапшылар осы атал­ған елдер қауіп төнген жағдайда АҚШ-тың  ядролық қаруын пайда­лану­ға мүмкіндік алатынын айтады.