Цифрлы емес, сиқырлы Қазақстан
Дәл былтырғыдай, биыл да қатты Мальдивке барғым келген. Сөйтсем көк паспорттың жарамдылық мерзімі өтіп кетіпті. Екі жыл пандемия деп Қапшағайдан ары аспағаным білініп қалды. Ерте тұрып ЦОН-ға жүгірдім. Амангуль, менің де паспортым бір айдан кейін бітеді деп жағаласып бірге келді.
Сөйтсем елдің бәрі биыл ғана шетелге шығуды жоспарлаған сияқты. Паспорт жасатып жүргендер көп. Бірақ қас қылғанда жедел жасату (ускорение) қызметі тоқтап қалыпты. Бір аптадан бері база істемей жатыр деп сыбырлады менеджер қыздар. Асықпаймын десең паспорт 15 жұмыс күн ішінде дайын болады екен. Сенбі-жексенбі мен мерекені қоссаң бір айға кетеді. Бір ай паспорт күтіп жүргенде отпускі бітіп кетпей ме?.
Мусин Багдат мырза айтып жүрген "Цифрлы Қазақстан" деген бағдарлама паспортты жедел жасатуға жарамай жатыр. Есесіне еліміздің барлық Халыққа қызмет көрсету орталықтарында "Сиқырлы Қазақстан" жақсы жұмыс істеп тұр. "Шетелге тур алып қойып едім, бронь жасатып қойып едім" деп арыз жазсаң едел-жедел көк паспорт жасап бере салады екен. Бірақ арызға бронь не шетелдік турдың билетін қоса тапсыру қажет. Мен көргеннің бәрі Каспий Тревелді аша салып, өтірік броньді бұрқыратып жатыр. Сиқырлы Қазақстан деген осы емес пе?
Диас Нұрақын
Фейсбуктегі парақшасынан