"Дарын" мұғалімдер біліктілігін арттыру мақсатында семинар өткізеді

«Қазіргі мектепте ғылыми жобаларды қалыптастыру қызметінің биологиялық аспектілері» атты биология пәні мұғалімдеріне арналған республикалық оқу семинары өтеді, деп жазады "Алаш айнасы" «Дарын» республикалық ғылыми-зерттеу орталығына сілтеме жасап.
Қазіргі қоғамдағы әлеуметтік-экономикалық және мәдени өзгерістер кезеңінде мұғалімдерге зор жауапкершілік жүктеліп отыр.
Жаңаша білім беру жүйесін модернизациялау кезеңінде мұғалімнің кәсіби деңгейін үздіксіз көтеріп отыру оның шыңармашылық қабілетінің дамытуының қажетті алғышарты болып және жеке педагогикалық тәжірибесін үнемі жетілдіріп отыруы оның өмірлік іс-әрекеті болып табылады. Осы бағытта «Дарын» республикалық ғылыми-практикалық орталығы 2014-2015 оқу жылында жүйелі түрде білім беру ұйымдарының мұғалімдері үшін оқу семинарларын өткізуді көздеп отыр.
Кезекті оқу семинарын а.ж. наурыз айының 24-28 наурыз аралығында Әль-Фараби атындағы Қазақ Ұлттық Университетінің биология және биотехнология факультетінің биоалуан түрлілік және биоресурстар кафедрасының, биофизика және биомедицина кафедрасының базасында «Қазіргі мектепте ғылыми жобаларды қалыптастыру қызметінің биологиялық аспектілері» атты республикалық оқу-әдістемелік семинарын өткізбек. Семинардың мақсаты - ұстаздардың педагогикалық шеберліктерінің деңгейін үздіксіз жетілдіру, олардың дарынды балалармен жұмысқа даярлығын қалыптастыру, оқушылардың ғылыми жобаларына қойылатын жаңа талаптар тұрғысынан мектепте ғылыми-зерттеу қызметін ұйымдастыру, мұғалімдердің ғылыми-теориялық, әдістемелік деңгейін жетілдіру болып табылады.
Семинарға білім беру ұйымдарының биология пәні мұғалімдері қатыса алады. Бағдарлама бойынша республикалық және халықаралық жарыстарға ұсынылатын жобалардың бекітілген талаптарына сәйкес оқушылардың ғылыми-зерттеу жұмыстарын ұйымдастыру барысында білім мен дағдыларды қалыптастыру мәселелері қарастырылған.
Әл-Фараби атындағы Қазақ Ұлттық университетінің оқытушы-профессорлары: Аблайханова Н.Т.- б.ғ.к., доцент, оқу- әдістемелік және тәрбие жұмысы жөніндегі биофизика және биомедицина кафедра меңгерушісінің орынбасары, Кулбаева М.С.- б.ғ.к., биофизика және биомедицина кафедрасының аға оқытушысы, Торманов Н.Т.- б.ғ.к., биофизика және биомедицина кафедрасының профессорыт.б. дәріс оқып, ғылыми жобаға дайындаудың барлық талаптары туралы толық мағұлмат береді деп күтілуде.