Жаңа студия жас таланттарды қолдауды көздейді

Кеше Алматыдағы «Бөбек» қорында әлеуметтік ахуалы нашар отбасынан шыққан талантты балалар мен жеткін­шек­тер­ге арналған «Кескіндеме» шығармашылық студиясының салтанатты ашылу рәсімі болды.
Студияның ашылу мақсаты – әлеуметтік жағдайы төмен отбасынан шыққан дарынды балалардың тұлға болып қалыптасуына қолдау көрсету және балалар шығар­машылығына қоғам назарын аударту. Атал­ған орталықтың бас директоры Тілек Қа­рымсақовтың айтуынша, бағдарлама аясында Қазақстанның тарихи-мәдени құн­дылықтары мен мәдениетіне арқа сү­йей отырып, жасөспірімдер арасында рухани-адамгершілік тәлім-тәрбие жұмыс­та­рын жүргізу, әлеуметтік ахуалы нашар отбасынан шыққан дарынды балаларға кескіндеме өнерінен сапалы білім беру қарастырылған. Студияда елімізге танымал Д.Әлиев, А.Хәкімжанова, С.Жұмаше­ва, С.Нәкісбекова сынды белгілі сурет­ші­лер­­дің шеберлік сыныптары өтті. Жас та­лант­­тар белгілі суретшілердің жетекшілігі­мен кескіндеме өнерінің қыр-сырымен та­ны­­сып, мұражайдағы көрмелерде де болды.