Қарағандыда ауруханаға түскен 14 баланың қанынан белгісіз улы зат анықталды
Қарағандыда ауруханаға түскен 14 баланың қанынан белгісіз улы зат анықталды. Бүгін денсаулық сақтау министрі Ажар Ғиният премьер-министрдің алдында осылай есеп берді, - деп хабарлайды Alashainasy.kz тілшісі КТК.kz-ке сілтеме жасап.
Жалпы ерекше қамқорлықтағы балалардың нақты неден уланғанын анықтайтын сот-медициналық сараптама әзірге толық дайын емес.
Дегенмен алғашқы эпидемиологиялық нәтижелер балалардың астан ұшынбағанын нақты көрсетіп отыр. Инфекциялық ауру да жұқтырмаған.
Ауруханаға түскен 14 ерекше баланың жетеуі бүгінде сауығып, орталыққа қайта жеткізіліпті. Жансақтау бөлімінде әлі 6 бала жатыр. Оның екеуінің жағдайын дәрігерлер ауыр деп отыр. Жасанды тыныс алу аппаратына қосылған.
Жауапты ведомство ауруханадан шыққаннан кейін де балаларды қажет дәрі-дәрмекпен қамтамасыз етіп, олардың жағдайын жеке бақылауда ұстаймыз деп уәде етуде.
30 шілдеде Қарағанды облысының балаларға арнаулы әлеуметтік қызмет көрсету орталығында жеткіншектер жаппай уланған. Осы жағдайдан кейін 12 қызметкер жұмыстан шеттетілді.
АЖАР ҒИНИЯТ, ҚР Денсаулық сақтау министрі:
- Барлық балалалардың биологиялық материалы бүкіл сотмедициналық сараптамаға тапсырылды. Біздің медицина саласындағы барлық ақпарат тексерілді. Соның ішінде Астана қаласында атом хромотограф апаратымен тексерген кезде балалардың қанынан қазір өздері қабылдап жатқан психотроп дәрілердің ізі табылды.
Соңғы сағатта көп оқылған жаңалықтар осында Massaget.kz
